خولی نۆهەمی ڕاهێنانی پێداگۆجی
زانکۆی نێودەوڵەتی قەیوان · سەنتەری ڕاهێنانی پێداگۆجی و پەرەپێدانی ئەکادیمی.
دەستپێک
پشتبەست بە فەرمان و نامەکانی وەزارەت و فەرمانگەی توێژینەوە و پەرەپێدان.
پاڵپشت بە فەرمانی وەزاری ژمارە (٢٥٥٦٨) لە (١٣/١٢/٢٠٢٣) تایبەت بە ڕەزامەندی لەسەر کردنەوەی خولی پێداگۆجی لە زانکۆکەمان، فەرمانگەی توێژینەوە و پەرەپێدان ژمارە (٧٧٤١) لە (٢٥/٤/٢٠١٤)، سەنتەری ڕاهێنانی پێداگۆجی و پەرەپێدانی ئەکادیمی زانکۆی نێودەوڵەتی قەیوان ئاگاداری هەڵگرانی بڕوانامەی ماستەر و دکتۆرا دەکاتەوە کە ئارەزووی بەشداری کردنیان هەیە لە خولی پێداگۆجی، دەتوانن ناوی خۆیان بۆ خولی نۆهەم تۆماربکەن.
مەرجەکانی بەشداریکردن
پێداویستییە سەرەکییەکان بۆ وەرگرتنی داواکاری.
-
مەرجە پێشکەشکار هەڵگری بڕوانامەی ماستەری ئەکادیمی یاخود دکتۆرای ئەکادیمی بێت.
- ئەگەر لە زانکۆکانی ناوەوەی وڵات خوێندنی تەواوکردبێت پێویستە فەرمانی زانکۆیی بەخشینی بڕوانامەی لە لایەن زانکۆکەی بۆ دەرچووبێت.
- ئەگەر پێشکەشکار لە دەرەوەی وڵات خوێندنی تەواوکردبێت، پێویستە یان یەکسانکردنی بڕوانامەیان بۆ کرابێت یاخود نووسراوی پشتگیری بهێنن لە وەزارەتی خوێندنی باڵا و توێژینەوەی زانستی کە بیسەلمێنێت بڕوانامەکەیان لە پڕۆسەی یەکسانکردندایە.
-
پێویستە یەکێک لەم بڕوانامانەی توانستی زمانی ئینگلیزی هەبێت و سێ ساڵی بەسەردا تێنەپەریبێت تا ١/١١/٢٠٢٦ بە مەرجێک ئەگەر لە دوو ساڵ زیاتر بوو لە لایەن ئەو ناوەندانەی بڕوانامەکە دەبەخشن راستاندنیان بۆ بکرێت.
بڕوانامەکانی زمانی ئینگلیزی
نمرەی کەمترین بڕوانامەی قبوڵکراوەکان.
تێبینی: بەشداربوو دەتوانێت لە بری یەکێک لەو بڕوانامانەی سەرەوە، بڕوانامەی تەواوکردنی خولی زمانی ئینگلیزی لە یەکێک لە سەنتەرەکانی زمانی زانکۆ حکومیەکان پێشکەش بکات بە مەرجێک هاوتابکرێت بە نمرەی (٥)ی ئایلتسی ئەکادیمی.
تێبینیەکان و ڕێنماییەکان
زانیارییە کارگێڕی و داراییە پێویستەکان.
- ژمارەی کورسیەکان دیاریکراوە.
- خولەکە ٦ مانگ دەخایەنێت و هەفتانە دوو ڕۆژ وانە دەخوێنرێت، ڕۆژی سێ کاتژمێر.
- لە پاش پەسەندکردنی ناوەکان لەلایەن وەزارەتی خوێندنی باڵا و توێژینەوەی زانستی، ڕاستەوخۆ کۆرسەکە دەست پێدەکات.
- دواکات بۆ پێشکەشکردنی داواکاری بریتییە لە بەرواری ١٧/١١/٢٠٢٦.
- لە ڕێگەی لینکەکەوە ئەو بەڵگەنامانە هاوپێچ بکە کە داواکراون بە شێوەی سکان و بە PDF.
- نرخی بەشداریکردن ٥٠٠ هەزار دینارە.
پەیوەندی
بۆ پرسیار و زانیاری زیاتر.
بۆ هەر پرسیارێک دەتوانن ئیمەیڵ بنێرن یان ڕاستەوخۆ پەیوەندی بکەن بە ژمارە تەلەفۆنی خوارەوە.
Huawei Center